536. சுகுணா திவாகருக்கு ஒரு இலவச விளம்பரம்!

சமீபத்தில் சுகுணா திவாகர் எழுதிய இடுகையின் சுட்டியை டோண்டு ராகவன் எனது இந்தப் பதிவில் பின்னூட்டத்தில் இட்டுச் சென்றிருந்தார். அதை வாசித்தபோது தான் தெரிந்தது, சுகுணா திவாகர் எனக்கு "திடீர் ஈழ ஆதரவாளர்" பட்டம் வழங்கியிருப்பது! சுகுணா போன்ற ஜனநாயகவாதிகளுக்கு விளக்கம் அளிப்பது என் கடமையாகிறது :)

சுகுணா திவாகர் எழுதியது:

ஈழத்தமிழர்களுக்காகக் குரல் கொடுக்கிறேன் பேர்வழி என்ற பெயரில் ஜனநாயகச்சக்திகளின் மீது அவதூறுகளைப் பரப்பும் கும்பல்களிடம் எச்சரிக்கையாய் இருக்க வேண்டியது அவசியம். அருந்ததிராய் ஈழத்தமிழர்களுக்காக நீலிக்கண்ணீர் வடிக்கிறார் என்கிற ரேஞ்சில் என்றென்றும் அன்புடன் பாலா எழுதுவது அதற்கு ஒரு உதாரணம். அருந்ததிராய் முன்வைத்துப் போராடிய எத்தனை மக்கள் பிரச்சினைகளை பாலா ஆதரித்திருக்கிறார்? சனாதனப் பார்வையையே தன் எழுத்துக்களின் அடிப்படையாய்க் கொன்டுள்ள பாலா போன்றவர்கள், அருந்ததிராய் பப்ளிசிட்டிக்காக மட்டுமே பேசுவார் என்று அருந்ததிராயின் வகிபாத்திரத்தை ஊத்தி மூடப்பார்ப்பதில் நாம் கவனமாக இருக்க வேண்டும். இதேபோலவே புலிகளின் மீதான விமர்சனத்தோடேயே ஈழமக்களின் பிரச்சினைகளைப் பேசும் சுகன், ஷோபாசக்தி, அ.மார்க்ஸ், ரயாகரன் என மாற்றுக்குரலை முன்வைக்கும் அனைவரையும் ரா ஆட்கள், கருணா ஆதரவாளர்கள், இலங்கை அரசை மறைமுகமாக ஆதரிப்பவர்கள் என்றெல்லாம் அவதூறு பரப்புவது, அவர்கள் முன்வைக்கும் கருத்துக்களின் நியாயங்களைக் கூட பரிசீலிக்க மூர்க்கமாய் மறுப்பது ஆகியவை இன்று இணையத்தில் தீவிரமாகப் பரவி வருகிறது. இன்னும் சொல்லப்போனால் ஈழப்பிரச்சினையை அரசியல் ஆதாயமாக மாற்றி அதற்குத் துரோகம் செய்துள்ள நெடுமாறன் உள்ளிட்ட கருங்காலிகளை விமர்சிப்பதை விட மேற்கண்ட ஜனநாயகச் சக்திகளைக் காய்வதே அதிகமாய் நடக்கிறது. துரோகி பட்டம்தான் நமக்கு வாரி வழங்குவதற்கு ஏகப்பட்ட கையிருப்பு உள்ளதே! உலகமயமாக்கல், இந்துத்துவ வன்முறைகள், தலித்துகளின் மீதான வன்கொடுமைகள், சமீபகாலமாய் பெண்களின் மீது அதிகரித்து வரும் கலாச்சாரப் பாசிஸ்ட்களின் தாக்குதல்கள் ஆகியவற்றிற்கெதிராகத் தொடர்ச்சியாகப் போராடி வருபவர்களே ஈழப்பிரச்சினை குறித்தும் விமர்சனபூர்வமான போராட்டங்களில் பற்றி உறுதியாய் நிற்கின்றனர். வைகோ மாதிரியான அரசியல் வியாபாரிகளும் திடீர் ஈழ ஆதரவாளர்களும் எந்தச் சந்தர்ப்பத்திலும் ஈழமக்களைக் கைகழுவி விடும் நிலை கொண்டவர்களே என்பதையும் நாம் புரிந்துகொள்ள வேண்டும்.

எ.அ.பாலா கருத்து:

//அருந்ததிராய் ஈழத்தமிழர்களுக்காக நீலிக்கண்ணீர் வடிக்கிறார் என்கிற ரேஞ்சில் என்றென்றும் அன்புடன் பாலா எழுதுவது
//
இவ்வளவு நாட்கள் வாயை மூடிக் கொண்டிருந்து விட்டு, இப்போது ஏதோ கட்டாயத்தால் ஈழத்தமிழர் ஆதரவாக களத்தில் குதித்துள்ள அருந்ததியை விமர்சிக்க (எப்படி சுகுணா திவாகருக்கு அருந்ததி சார்பாக ஜால்ரா அடிக்க உரிமை இருக்கிறதோ!) எனக்கும் பூரண உரிமை இருக்கிறதாகவே நினைக்கிறேன்.

மேலும், அருந்ததி ராயை ஸ்ரீலங்கா சென்று போராடவா சொல்கிறேன்!!! இத்தனை நாட்கள் வாயை மூடிக் கொண்டு இருந்து விட்டு இப்போது கூவ வேண்டிய அவசியம் என்ன என்று கேட்பதில் என்ன தவறு ? அதுவும், ரோசா வசந்த் தனது கமெண்ட்டில் "I heard (though I am not sure) when the Tamil literary writers approached Arundhati to make a statement on Srilankan issue, she refused saying `please don't disturb'." -- இப்படி சொல்லியிருந்ததும், நான் கேள்வி கேட்டதற்கு ஒரு காரணம்!

//அருந்ததிராய் முன்வைத்துப் போராடிய எத்தனை மக்கள் பிரச்சினைகளை பாலா ஆதரித்திருக்கிறார்?
//
நான் எதைப் பற்றி எப்போது பேச வேண்டும் என்பதை நான் தீர்மானிக்கிறேன். தொழில், குடும்பம் என்ற காரணங்களும் இருக்கிறது. அது சரி, சுகுணா அனைத்துப் பிரச்சினைகளிலும் தன் தரப்பு பற்றி எழுத வேண்டும் என்று எதிர்பார்ப்பது சரியா ? சமீபத்தில் எக்மோரில் ஒரு அபார்ட்மெண்ட் குடியிருப்பில், பெண்கள் மீது நிகழ்ந்த வன்முறையை கண்டித்து நான் எழுதியிருந்தேன். சுகுணா ஏன் அது பற்றி எழுதவில்லை என்று முட்டாள்தனமாக கேட்க முடியுமா? பலவற்றை வாசிக்கிறோம், பார்க்கிறோம், முடிந்தபோது எழுதுகிறோம், அஷ்டே.

//சனாதனப் பார்வையையே தன் எழுத்துக்களின் அடிப்படையாய்க் கொன்டுள்ள பாலா போன்றவர்கள்
//
அது என்ன எழவு சனாதனப் பார்வை என்று விளக்கினால் தன்யனாவேன். கிருமி லேயருக்கு எதிராக எழுதியதை சனாதனப் பார்வை என்று சொன்னால், பேச எதுவுமில்லை. எனக்குத் தெரிந்த சனாதன தர்மம்
"பிரக்ஞானம் பிரம்மா , அஹம் பிரம்மாஸ்மி , தத்வம் அஸி , அயம் ஆத்மா" !!!

//வைகோ மாதிரியான அரசியல் வியாபாரிகளும் திடீர் ஈழ ஆதரவாளர்களும்
//
ஈழத்தமிழர் அவலம் பற்றி பேசும்போது கூட எப்படி அரசியல் பல்லிளிக்கிறது பாருங்கள்! வைகோ அரசியல் வியாபாரியாம், ஆனால் சுகுணாவுக்குப் பிடித்த அரசியல்வாதியை / கட்சியை விமர்சித்து ஒரு வார்த்தை கிடையாது, கொடுமைடா சாமி :(

//அருந்ததிராயின் வகிபாத்திரத்தை ஊத்தி மூடப்பார்ப்பதில் "நாம்" கவனமாக இருக்க வேண்டும்.
ஈழமக்களைக் கைகழுவி விடும் நிலை கொண்டவர்களே என்பதையும் "நாம்" புரிந்துகொள்ள வேண்டும்.
//
"நாம்" என்று சொல்லும் தொனியில் உள்ள கர்வத்தை கவனிக்கவும்! அதாவது "ஈழமக்களுக்கு ஆதரவு அளிப்பதில் "நாம்" தனித்துவமானவர்கள். தனது ஈழத்தமிழர் ஆதரவு நிலைப்பாட்டிலிருந்து எந்த நேரமும் மிக எளிதில் பல்டி அடித்து விடக்கூடிய எ.அ.பாலா போன்ற "திடீர்" ஆதரவாளர்களிடம் "நம்மை"ப் போன்ற "அக்மார்க்" ஆதரவாளர்கள் மிக உஷாராக இருக்க வேண்டும்!" என்பதை எவ்வளவு நேர்த்தியா எடுத்துச் சொல்கிறார், பாருங்கள்!

பெரியார் பாசறையிலிருந்து வந்ததாலும், கம்யூனிச சித்தாந்தத்தில் ஊறியதாலும், தனக்கும் (தன் நண்பர்களுக்கும்!!) மட்டுமே நலிந்தோரைப் (ஈழத்தில் அல்லலுறும் தமிழர் என்று வாசிக்கவும்!) பற்றிப் பேச தகுதியும் அருகதையும் இருப்பதாக ஒருவர் எண்ணினால் அவரைப் பார்த்து பரிதாபப்படுவதை விடுத்து வேறென்ன செய்ய ? இப்படிப்பட்ட அங்கீகாரம் (யார் இதை வழங்குகிறார்கள்? வழங்குபவரின் தகுதிகள் யாவை?) கிடைத்து விட்டதாக சுகுணா எப்படி எண்ணுகிறார்? இன்னொருவரின் ஈழத்தமிழர் ஆதரவை கொச்சைப்படுத்தி, தனக்கு அங்கீகாரம் தேடும் அவலம் குறித்து என்னத்தைச் சொல்ல ?

மேலும் சில பாயிண்டுகள்:

"This is to certify that anbudan BALA is a bonafide supporter of Ealam Tamils" என்று சுகுணா திவாகர் கையெழுத்திட்ட நற்சான்றிதழ் இருந்தால் மட்டுமே, நான் ஈழத் தமிழர் பிரச்சினை குறித்து எழுதும் தகுதி பெறுகிறேனா ? இல்லையெனில் நான் போலியா ? எ.கொ.இ.சு :-(

ஈழத்தமிழர் பால் எனது அக்கறை உண்மையா/போலியா என்பதை, இணையத்தில் நான் எழுதியுள்ளதை வைத்து, வாசிப்பவர்கள் தீர்மானிக்கட்டும். ஒரு பிரச்சினையுமில்லை! இது போல தன்னிலை விளக்கம் தருவது சற்று கேவலமாக இருந்தாலும், இதன் மூலன் சுகுணா திவாகருக்கு ஏதாவது புரியும் என்ற நம்பிக்கை இல்லாவிட்டாலும், சுகுணாவைத் தவிர, என் வலைப்பதிவை வாசிக்கும் இன்னும் சிலருக்காக (கவனிக்கவும், "பலர்" என்று கூறவில்லை!) இந்த விளக்கத்தை எழுத வேண்டியுள்ளது!

சென்னையில் நடந்த அமைதிப் பேரணி

எ.அ.பாலா

535. ஈழத்தமிழருக்காக கண்ணீர் விடும் அருந்ததி ராய்

இது வரை, ஒரு கடுங்குளிர்காலத்து பனிக்கரடி போல, கும்பகர்ணன் போல, ஆழ்ந்த யோக நித்திரையில் இருந்த, உலகின் நெம்பர் 1 லிபரலும், நெம்பர் 1 மனிதநேயவாதியும் ஆன நமது அருந்ததி ராய், திடீரென்று "அருந்ததீ" ராயாக உருவெடுத்து, மிச்சம் மீதியிருக்கும் ஈழத்தமிழருக்காக பொங்கியெழுந்து தன் வேதனையைக் கொட்டி ஒரு கண்ணீர் காவியம் படைத்திருக்கிறார், இன்றைய "டைம்ஸ்ஆஃப் இண்டியா" நாளிதழில் !!!

ஈழத்தமிழர் அனுபவிக்கும் சொல்லவொண்ணாத் துயரங்களையும், பெரிய அளவிலான உயிரிழப்பையும் பற்றி அருந்ததி எழுதியிருப்பது கண்டு, மனது பதைபதைத்து போய் விட்டது! "தீவிரவாத"ப்புலிகளுக்கு எதிரான போரில், இலங்கை ராணுவம் ஏராளமான அப்பாவித் தமிழர்களைக் கொன்று குவிப்பது பற்றி அருந்ததி கட்டுரை வாயிலாக அறிந்து கொண்டபோது, மேலும் வாசிக்க முடியாமல் கண்களில் நீர் திரையிட்டது!!

நீங்களும் அந்தக் கட்டுரையை தயவு செய்து ......................................................................................
...................................................................................
...............................................................................
வாசிக்க வேண்டாம்...


அடச்சே, வந்துட்டாங்க பதினாறாம் நாள் சடங்கு செய்வதற்கு :-(
************************************************

அருந்ததி ராய் மீது மதிப்பு வைத்திருக்கும் ரோசா வசந்த்தே அவர் மேல் பயங்கரக் கடுப்பில் இருப்பது அந்த டைம்ஸ் கட்டுரையில் ரோசா இட்ட பின்னூட்டத்திலிருந்து தெரிகிறது!! கட்டுரையின் முடிவில், ரோசாவின் கமெண்ட்டைப் பார்க்கலாம்...

--- எ.அ.பாலா
*********************************************

The silent horror of the war in Sri Lanka
--- Arundhati Roy

The horror that is unfolding in Sri Lanka becomes possible because of the silence that surrounds it. There is almost no reporting in the mainstream Indian media — or indeed in the international press — about what is happening there. Why this should be so is a matter of serious concern.

From the little information that is filtering through it looks as though the Sri Lankan government is using the propaganda of the ‘war on terror’ as a fig leaf to dismantle any semblance of democracy in the country, and commit unspeakable crimes against the Tamil people. Working on the principle that every Tamil is a terrorist unless he or she can prove otherwise, civilian areas, hospitals and shelters are being bombed and turned into a war zone. Reliable estimates put the number of civilians trapped at over 200,000. The Sri Lankan Army is advancing, armed with tanks and aircraft.

Meanwhile, there are official reports that several ‘‘welfare villages’’ have been established to house displaced Tamils in Vavuniya and Mannar districts. According to a report in The Daily Telegraph (Feb 14, 2009), these villages ‘‘will be compulsory holding centres for all civilians fleeing the fighting’’. Is this a euphemism for concentration camps? The former foreign minister of Sri Lanka, Mangala Samaraveera, told The Daily Telegraph:
‘‘A few months ago the government started registering all Tamils in Colombo on the grounds that they could be a security threat, but this could be exploited for other purposes like the Nazis in the 1930s. They’re basically going to label the whole civilian Tamil population as potential terrorists.’’

Given its stated objective of ‘‘wiping out’’ the LTTE, this malevolent collapse of civilians and ‘‘terrorists’’ does seem to signal that the government of Sri Lanka is on the verge of committing what could end up being genocide. According to a UN estimate several thousand people have already been killed. Thousands more are critically wounded. The few eyewitness reports that have come out are descriptions of a nightmare from hell. What we are witnessing, or should we say, what is happening in Sri Lanka and is being so effectively hidden from public scrutiny, is a brazen, openly racist war. The impunity with which the Sri Lankan government is being able to commit these crimes actually unveils the deeply ingrained racist prejudice, which is precisely what led to the marginalization and alienation of the Tamils of Sri Lanka in the first place. That racism has a long history, of social ostracisation, economic blockades, pogroms and torture. The brutal nature of the decades-long civil war, which started as a peaceful, non-violent protest, has its roots in this.

Why the silence? In another interview Mangala Samaraveera says, ‘‘A free media is virtually non-existent in Sri Lanka today.’’

Samaraveera goes on to talk about death squads and ‘white van abductions’, which have made society ‘‘freeze with fear’’. Voices of dissent, including those of several journalists, have been abducted and assassinated. The International Federation of Journalists accuses the government of Sri Lanka of using a combination of anti-terrorism laws, disappearances and assassinations to silence journalists.

There are disturbing but unconfirmed reports that the Indian government is lending material and logistical support to the Sri Lankan government in these crimes against humanity. If this is true, it is outrageous. What of the governments of other countries? Pakistan? China? What are they doing to help, or harm the situation?

In Tamil Nadu the war in Sri Lanka has fuelled passions that have led to more than 10 people immolating themselves. The public anger and anguish, much of it genuine, some of it obviously cynical political manipulation, has become an election issue.

It is extraordinary that this concern has not travelled to the rest of India. Why is there silence here? There are no ‘white van abductions’ — at least not on this issue. Given the scale of what is happening in Sri Lanka, the silence is inexcusable. More so because of the Indian government’s long history of irresponsible dabbling in the conflict, first taking one side and then the other. Several of us including myself, who should have spoken out much earlier, have not done so, simply because of a lack of information about the war. So while the killing continues, while tens of thousands of people are being barricaded into concentration camps, while more than 200,000 face starvation, and a genocide waits to happen, there is dead silence from this great country.

It’s a colossal humanitarian tragedy. The world must step in. Now. Before it’s too late.
(It is already too late, Ms.Arundhati Roy. Anyway, Thanks for your generosity and Kindness !!!)
*********************************

அருந்ததியின் கட்டுரைக்கு ரோசா வசந்த்தின் பின்னூட்டம்:

Rosavasanth,Chennai,says:I am not able to complete reading this article yet, due to mixed emotions. Even if one is a refugee, one has to be lucky enough to be a Palestine refugee, thanks to the racial prejudice of Roy kind of writers also. What is happening in Srilanka is one of worst human tragedy in this century, worst form of state terrorism which is completely unreported. On the other hand the propaganda of the Srilankan govt is so powerful that even Chomsky is manipulated in his recent interview. So Srilankan Tamils are worser than any victims of war in the world, begging for some body to start talking for them, from the non tamil diaspora. So tamils are in a vulgar position to welcome this article of Arundhati which is filled with dishonesty. I am sure this article will be republished in blogs and other forums. If Arundhati is honest, she should be first apologizing to all Srilanka tamil people, for not writing about this, for not even knowing about it, for holding a racial prejudice about some thing which is happening few hundred kms away from her. She has to accept the hippocrasy of writing about Gaza, when she refused to talk about some thing worse than Gaza. I heard (though I am not sure) when the Tamil literary writers approached Arundhati to make a statement on Srilankan issue, she refused saying `please don't disturb'. Having gone through the torture of knowing what is happening in eelam, and living with anger and frustration of the silence from Roy kind of writers for the last few months, I am not able to welcome this article.
***************************

534. சென்னையில் கலாச்சாரக் காவலர்களின் அராஜகம்

சமீபத்தில் சென்னையில் ஒரு நண்பரின் வீட்டுக்குச் சென்ற இரு இளம்பெண்களை, (ஆஷாதீப் என்கிற) எக்மோரில் உள்ள அடுக்குமாடிக் குடியிருப்பின் அசோசியேஷன் தலைவரும், இன்னும் சிலரும், "கலாச்சார"க் காவலராக அவதாரமெடுத்து அடித்து உதைத்துள்ளதை செய்தியில் வாசித்தபோது அதிர்ச்சியாக இருந்தது!

கோகுல் (மாணவர்), விஷால் (BPO-வில் பணி புரிபவர்) என்ற இளைஞர்கள் தங்கியிருந்த ஃபிளாட்டுக்கு, அப்பெண்கள் வியாழன் காலை சென்று, ஒரு அரைமணி நேரம் கழித்து, கதவைத் தட்டிய இந்த கலாச்சார காவல் கனவான்கள், அப்பெண்களை ஆபாசமாகத் திட்டியதோடு, அப்பெண்களை உடனடியாக வெளியேறுமாறு (இல்லையேல் போலீசைக் கூப்பிடப் போவதாகவும்?!) மிரட்டியுள்ளனர். பிரச்சினையை பெரிதுபடுத்த விரும்பாத அவ்விளைஞர்கள், அப்பெண்களை பத்திரமாக அனுப்பி விட நினைத்தனர்.

இதற்குள் ஃபிளாட்டின் வாசலில் ஒரு சிறு கூட்டம் சேர்ந்து விட, அசோசியேஷன் தலைவரும், இன்னும் சில அடிபொடிகளும் அப்பெண்களை வழிமறித்து செல்ல விடாமல் தடுத்ததோடு, அவர்களை தள்ளிவிட்டு, ஆபாசமான செய்கைகளை செய்திருக்கின்றனர். பலபேர் முன்னிலையில், அசிங்கமாகவும் திட்டியிருக்கிறார்கள்!

இரு பெண்களில் சற்று தைரியமானவர், அந்த அசோசியேஷன் தலைவரை கண்ணியமாக நடந்து கொள்ளும்படி கூறியதற்கு, அவரது மனைவி, அப்பெண்ணின் கையை பிடித்து முறுக்கியுள்ளார் (பெண்ணுக்கு பெண் தான் எதிரி போலும்!). அந்த கும்பலில் ஒரு நல்ல பெண்மணி இருந்ததால், எந்த ஆபத்தும் இல்லாமல், அவ்விரு பெண்களும் அங்கிருந்து செல்ல முடிந்தது.

இது நடந்த பின்னர், தான் செய்ததை மறைக்க வேண்டி, அசோசியேஷன் தலைவர் (கோகுல்,விஷால் தங்கியிருந்த ஃபிளாட்டில்) சந்தேகத்துக்குரிய செயல்கள் நடப்பதாக எக்மோர் காவல் நிலையத்தில் புகார் கொடுத்துள்ளார். அவ்விளைஞர்கள் காவல நிலையத்திற்கு அழைக்கப்பட்டதில், சில நாட்களில் தாங்கள் ஃபிளாட்டை காலி செய்து விடுவதாகவும், அதுவரை விருந்தினர் யாரும் வராதவாறு பார்த்துக் கொள்வதாகவும் எழுதிக் கொடுக்க வேண்டியிருந்தது. என்ன கொடுமை, பாருங்கள் !?!?! இளைஞர்கள் தங்கியிருக்கும் ஃபிளாட்டின் உரிமையாளருக்கும் இந்த சங்கதிக்கும் எந்தத் தொடர்பும் கிடையாது என்பது இன்னொரு கொடுமை! ஆனால், மற்ற ஃபிளாட் உரிமையாளர்கள் கொடுத்த பிரஷரில், அவர் இவ்விளைஞர்களை ஃபிளாட்டை காலி செய்து விடும்படி கூறியிருக்கிறார்!

பாதிக்கப்பட்ட ஒரு பெண்ணின் அண்ணன் (சந்தோஷ்), அந்த அசோசியேஷன் தலைவர் தான் நடந்து கொண்ட விதத்திற்கு மன்னிப்பு கேட்காவிடில், அவர் மீது சட்டப்படி நடவடிக்கை எடுக்கப் போவதாக கூறியுள்ளார். அப்பெண்களும், தவறு செய்தவர்கள் தகுந்த தண்டனை பெற ஆவன செய்யப்போவதாக தைரியமாக பேசியிருப்பது, மற்ற பெண்களுக்கு நம்பிக்கை அளிப்பதாக உள்ளது. ஒருவர் வீட்டில் அத்துமீறி நுழைந்ததற்கும், அப்பெண்களை ஆபாசமாகத் திட்டியதற்கும், தள்ளி விட்டதற்கும், சட்டத்தைக் கையில் எடுக்க முயன்ற அடாவடித்தனத்திற்கும், காரணமானவருக்குத் தகுந்த தண்டனை வழங்கப்பட வேண்டும்.

கலாச்சார பாதுகாப்பு என்ற பெயரில், பெண்கள் மேல் செலுத்தப்படும் இது போன்ற வன்முறைச் செயல்கள் பெருகி வருவது சமூகச்சூழலின் சீர்கேட்டை சுட்டிக்காட்டுகிறது. இது தனிமனிதச் சுதந்திரத்தின் மீதான தாக்குதலும் கூட!

அந்த அசோசியேஷன் தலைவருக்கு சந்தேகம் இருக்கும் பட்சத்தில், முதலில் காவல் நிலையத்தில் புகார் கொடுப்பதை விடுத்து, அப்பெண்களிடம் அராஜகமாக நடந்து கொண்டது கடுமையான கண்டனத்துக்குரியது. இந்த self appointed கலாச்சாரக் காவலரின் வீட்டுப் பெண்களை நினைத்தால் சற்று பரிதாபமாக இருக்கிறது (அல்லது) இவர்களின் moral policing வீட்டுக்கு வெளியில் மட்டும் தானா ???

மங்களூரில் ராமசேனா குண்டர்கள் மேற்கொண்ட அராஜக நடவடிக்கைகளுக்கு சிறிதும் குறையாதது இது :-( சென்னையில் ஆரம்பித்துள்ள இந்த moral policing செயல்களை முளையிலேயே கிள்ளி எறியாவிட்டால், பல "கலாச்சாரக் காவலர்கள்" உருவாகி சட்டத்தைக் கையில் எடுக்க முற்படுவார்கள்

சென்னையில் வாழ்ந்து வரும் பிரபல ஃபேஷன் டிசைனர் ரெஹானே, இந்த விஷயத்தை அழகாக summarize செய்துள்ளார்!

I sometimes feel sad for these self-appointed custodians of morality. They need to get a life, lighten up and find a occupation. Otherwise, they'll only belong to the party pooper ranks

எ.அ.பாலா

நன்றி: டைம்ஸ் ஆஃப் இண்டியா, இண்டியன் எக்ஸ்பிரஸ் நாளிதழ்கள்

533. தமிழில் அர்ச்சனை :-)

இன்று மெயிலில் ஒரு மேட்டர் வந்தது, "தமிழில் அர்ச்சனை" என்ற தலைப்பில். அனுப்பியவரின் ஐடி சற்று வித்தியாசமாக இருந்தது, "EXPLAIN Islam" !! ஆனால் மேட்டர் இஸ்லாம் பற்றி கிடையாது. "தமிழில் அர்ச்சனை" என்ற பெயரில் போலி "பகுத்தறிவு" வியாதிகளுக்கு அர்ச்சனை :-) வாசிக்க சுவாரசியமாக, சிந்தனையை தூண்டும் விதத்தில் (!) இருந்தது. ஆகவே, யான் பெற்ற இன்பம் பெறுக இவ்வையகம் :-)

எ.அ.பாலா

***********************************************

கடவுள் இல்லை என்று ஒருபுறம் கூறிக் கொள்ளும் போலிப் பகுத்தறிவுவாதிகள் இன்னொரு புறம் கடவுளுக்கு தமிழில் அர்ச்சனை செய்ய வேண்டுமெனவும் கூறி வருகின்றனர்.

கடவுள் இல்லை என்றால் அதற்கு அர்ச்சனை செய்வதை எந்த மொழியில் இருந்தாலும் அதை எதிர்க்க வேண்டும். அர்ச்சனை செய்து மூடர்களாக ஆகாதீர்கள் என்று கூறி மக்களை விழிப்படையச் செய்திருக்க வேண்டும்.

நேர்மையான சமரசம் செய்து கொள்ளாத பகுத்தறிவு இப்படித்தான் தீர்ப்பளிக்கும்.

தமிழ் மொழியில் அர்ச்சனை செய்ய வேண்டும் எனக் கூறுவதும் அதை வர வேற்பதும் எந்த வகையில் பகுத்தறிவு சார்ந்ததாகும்?

இதற்கு போலிப் பகுத்தறிவுவாதிகள் கூறுகின்ற காரணங்கள் யாவும் பகுத்தறி வுக்கு வெளியே நின்று கொண்டு கூறுகின்ற காரணங்களாகவே உள்ளன.

பகுத்தறிவுக்கு இது ஒவ்வாத செயல் தான்! பார்ப்பனரைப் பழி தீர்க்க இது அவசியம் என்று கூறுவார்களானால் இந்த வகையில் இவர்களும் மதவாதிகளைப் போல்தானே நடக்கின்றனர்?

இன உணர்வு, பழிவாங்கும் போக்கு ஆகியவற்றின் அடிப்படையில், இல்லாத கடவுளுக்கு தமிழில் அர்ச்சனை செய்வது அனைத்து மூட நம்பிக்கைகளையும் மிஞ்சிய மூட நம்பிக்கையல்லவா?

இல்லாத கடவுளுக்கு தமிழில் அர்ச்சனை செய்வது பகுத்தறிவுக்கு அல்லது அறிவியலுக்கு உட்பட்டதுதான் என்பதை நிரூபிக்க போலிப் பகுத்தறிவுவாதிகள் தயாரா என்று அறைகூவல் விடுக்கிறோம்.

கடவுளின் பெயரால் பண விரயம் இல்லாத கடவுளை உருவாக்கிக் கொள்வதுடன் கடவுளுக்காக அபிஷேகம் என்ற பெயரில் பொருட்களைப் பாழாக்கலாமா என்று மேடை போட்டு போலிப் பகுத்தறிவுவாதிகள் பிரச்சாரம் செய்து வருகின்றனர்.

இந்தப் பிரச்சாரத்தில் இவர்கள் உண்மையாளர்களாக இருந்ததால் இதை முஸ்லிம்களாகிய நாமும் வரவேற்போம். ஆனால் எதைப் பகுத்தறிவுக்கு ஒவ்வாத செயல் என்று இவர்கள் சித்தரித்தார்களோ அதுபோன்ற காரியங்களை இவர்களே செய்தும் வருகின்றனர்.

சமீபத்தில் இவர்கள் நடத்தும் விடு தலை 05 08 2008 நாளேட்டில் படத்துடன் ஒரு செய்தியை வெளியிட்டுள்ளனர்.

'புதுச்சேரியில் பஞ்ச முக ஆஞ்சனேயருக்கு 1001 லிட்டர் பாலை அபிஷேகம் செய்து பாலை வீணாக்கியுள்ளனர். எத்தனையோ குழந்தைகள் சத்துணவுக் குறைவாலும் பசியாலும் அவதியுறும் போது இப்படி பாலை வீணாக்கலாமா' என்றெல்லாம் பல்வேறு கேள்விகளை எழுப்பியுள்ளனர். நல்ல கேள்விகள்தான். ஆனால் அதற்கு மறுநாள் வெளியான விடுதலை நாளேட்டில் ஒரு செய்தியை வெளியிட்டுள்ளனர்.

சைதை பகுதியில் பெரியார் சிலை நிறுவ தி.க.வினர் முடிவு செய்துள்ளார்களாம். அதற்கு முதல் கட்டமாக, எம்.பி. பாலு என்பவர் பத்தாயிரம் ரூபாய் அவரது குடும்பத்தினர் பதினைந்தாயிரம் ரூபாய், மதியழகன் பத்தாயிரம், அவரது குடும் பத்தார் ஐயாயிரம், தென்றல் பத்தாயிரம், அவரது குடும்பத்தினர் ஐயாயிரம், பத்ம நாபன் ஐயாயிரம், இரவி ஆயிரம் பிரபாகரன் ஆயிரம் என நிதி வழங்கினார்கள் என்று செய்தி வெளியிட்டுள்ளனர்.

இதெல்லாம் ஆரம்ப கட்டமாகத் திரட்டப்பட்ட நிதியாம். புதுச்சேரியில் 1001 லிட்டர் பால் அபிஷேகம் செய்தார்கள் என்றால் 500 லிட்டர் பாலுடன் 500 லிட்டர் தண்ணீர் கலந்துதான் அபிஷேகம் செய்திருப்பார்கள். கறந்த பாலை அப்படியே அபிஷேகம் செய்திருக்க மாட்டார்கள்.

ஒரு லிட்டர் பால் பதினெட்டு ரூபாய் என்ற கணக்கின்படி 500 லிட்டர் பால் ஒன்பதாயிரம் ரூபாய் ஆகும். தண்ணீர் இல்லாத பால் என்றால்கூட 1000 லிட்ட ருக்கு பதினெட்டாயிரம் ரூபாய்தான் ஆகும்.

இந்த பதினெட்டாயிரம் ரூபாயை நூற்றுக்கணக்கான பக்தர்களிடம் ஐந்தும் பத்துமாகத் திரட்டியிருப்பார்கள். ஒவ்வொரு பக்தனும் நூறு இருநூறு ரூபாய் பணத்தை வீணாக்கியிருப்பான்.

ஆனால் மூட நம்பிக்கையின் முதல் அடையாளமான ஒரு கற்சிலையை நிறுவ ஒரு குடும்பமே 25 ஆயிரம் (பதினைந் தாயிரம், பத்தாயிரம்) என்று கொடுக்கும் அளவுக்கு பயங்கர சிந்தனையாளர்களாக இருக்கிறார்களே? இந்தப் பகுத்தறிவைக் கண்டு புல்லரிக்கிறது போங்கள்!

பாலுக்காக செலவிட்ட பணத்தை மட்டும்தான் ஏழைக் குழந்தைகளின் உணவுக்கு செலவிட முடியுமா? கல்லுக்காக செலவிட்ட பல்லாயிரம் ரூபாய்களைக் கொண்டு வறுமையை விரட்டியிருக்கலாமே! ஏழைக் குழந்தைகளின் பசியைப் போக்கியிருக்கலாமே!

அதுகூட மதவாதிகளுக்குத்தான் சாத்தியமாகும். அக்மார்க் பகுத்தறிவுவாதிகள் ஏழைக் குழந்தைகளுக்கு தான தர்மம் செய்யக் கூடாது என்றுதான் இவர்களின் ஆசான் பெரியார் இவர்களுக்குப் போதித்துள்ளார்.

ஆகவே தர்மம் செய்வது அக்கிரமம் என்றும் ஜன சமூகத்துக்குத் தொல்லை என்றும் பணக்காரர்களின் அயோக்கியத்தனங்களை மறைக்க ஒரு சூழ்ச்சி என்றும் சொல்லுகிறேன் - குடியரசு 21 4 1945 இதழில் பெரியார்.

கல்லுக்கு அபிஷேகம் செய்தால் அதுவும் மூட நம்பிக்கையாகி விடுகிறது. அந்தப் பாலை ஏழைகளுக்குத் தர்மம் செய்தால் அதுவும் உங்கள் தந்தையின் பார்வையில் அயோக்கியத்தனமாக ஆகி விடுகின்றது. இந்த இரண்டில் எது பகுத்தறிவுப்பூர்வமானது?

இவர்களால் விமர்சிக்கப்படும் மதவாதிகளாவது கற்சிலைகளுக்கு பாலை அபி ஷேகம் செய்வதற்கு ஒருபுறம் பணத்தை வீணாக்கினாலும் ஏழைக் குழந்தைகளுக்காகவும் தங்கள் நிதியாதாரத்தை செல விட்டு வருகின்றனர்.

ஆனால் அக்மார்க் பகுத்தறிவாளர்கள் சிலைக்கு மட்டும்தான் செலவு செய்வார்கள். ஏழை எளிய மக்களுக்கு தர்மம் செய்து அயோக்கியர்களாக மாட்டார்கள்.

மக்களுக்கு உதவாத இந்தப் பகுத்தறிவை விட மக்களுக்கு கருணை காட்டும் அந்த மதவாதிகள் ஆயிரம் மடங்கு சிறந்து விளங்குகிறார்கள்.

பெரியார் பிறந்த (நாளாக இவர்கள் கூறும்) நாட்களின்போதும் இறந்த நாளின் போதும் அவரது சிலைக்காக ராட்சத மலர் மாலைகள் நூற்றுக்கணக்கில் போடப்படுகிறதே! இதற்கு ஆகும் செலவு பாலாபி ஷேகத்திற்கு ஆகும் செலவை விட பல மடங்கு அதிகமாக உள்ளதே!

பொருளாதாரத்தை நாசமாக்கலாமா என்று நீங்கள் கேட்ட அத்தனை கேள்விகளையும் அதைவிட வலிமையாக இந்து மதவாதிகள் உங்களை நோக்கி கேட்க முடியுமே?

மற்றவர்களை நோக்கி நீங்கள் எழுப்பும் கேள்விகள் மட்டும் அறிவுப்பூர்வமாக இருந்தால் போதுமா? அவர்கள் உங்களை நோக்கி அதே கேள்விகளைக் கேட்கும் நிலைமையில் நீங்கள் இருக்கக் கூடாது என்பது உங்களுக்கு ஏன் புரியவில்லை?

போலிப் பகுத்தறிவுவாதிகளான உங்களைப் பொருத்தவரை மற்ற எவரையும் விமர்சனம் செய்யும் தகுதி உங்களுக்கு இல்லை என்பதை உணர்ந்து, முதலில் உங்கள் நடவடிக்கைகளைச் சரி செய்யும் வழியைப் பாருங்கள்!

இன்ஷா அல்லாஹ் தொடரும்....
***********************************************

532. போலீஸ் உயரதிகாரிகள் 2 பேர் சஸ்பெண்ட் : மோதல் விவகாரத்தில் ஐகோர்ட் உத்தரவு

சென்னை : சென்னை ஐகோர்ட் வளாகத்தில் நடந்த தாக்குதல் சம்பவம் தொடர்பாக, கூடுதல் கமிஷனர் விஸ்வநாதன், இணை கமிஷனர் ராமசுப்ரமணியை, "சஸ்பெண்ட்' செய்ய சென்னை ஐகோர்ட் உத்தரவிட்டுள்ளது. "கோர்ட் புறக்கணிப்பில் ஈடுபட வக்கீல்களுக்கு உரிமையில்லை, உடனடியாக பணிக்கு திரும்ப வேண்டும்' என்றும் உத்தரவிடப்பட்டுள்ளது.


கடந்த மாதம் 19ம் தேதி சென்னையில் வக்கீல்கள், போலீசாரிடையே பெரும் மோதல் வெடித்தது. ஓய்வு பெற்ற நீதிபதி ஸ்ரீகிருஷ்ணா தலைமையில், சுப்ரீம் கோர்ட் கமிட்டி அமைத்தது. சம்பவத்திற்கு வக்கீல்களும், போலீசாரும் காரணமென அவர் அறிக்கை தாக்கல் செய்தார். அறிக்கை பற்றி வக்கீல்கள் அதிருப்தி தெரிவித்தனர். இந்த வழக்கை சென்னை ஐகோர்ட்டே விசாரிக்க சுப்ரீம் கோர்ட் உத்தரவிட்டது. ஏற்கனவே, நீதிபதிகள் முகோபாதயா, தனபாலன், சந்துரு அடங்கிய "பெஞ்ச்' இச்சம்பவம் குறித்த வழக்கை தானாக முன்வந்து விசாரித்திருந்தது. தாக்குதலுக்கு காரணமான போலீஸ் அதிகாரிகளை சஸ்பெண்ட் செய்யக் கோரி, சென்னை ஐகோர்ட்டில் வக்கீல் சங்கங்கள் மனுக்கள் தாக்கல் செய்தன. இதை விசாரித்த ஐகோர்ட் தலைமை நீதிபதி கோகலே, நீதிபதி இப்ராகிம் கலிபுல்லா அடங்கிய, "முதல் பெஞ்ச்' போலீஸ் கருத்தை கேட்காமல், "சஸ்பெண்ட்' செய்ய உத்தரவிட முடியாது எனக் கூறியது. அரசு தரப்பில் பதில் மனு தாக்கல் செய்ய உத்தரவிட்டு, விசாரணையை நீதிபதிகள் முகோபாதயா, தனபாலன், சந்துரு அடங்கிய "பெஞ்ச்' நடத்தும் என உத்தரவிட்டது. சில நாட்களாக உடல் நலம் சரியில்லாமல் இருந்த நீதிபதி முகோபாதயா, நேற்று ஐகோர்ட்டுக்கு வந்தார்.


நீதிபதிகள் முகோபாதயா, தனபாலன், சந்துரு அடங்கிய "பெஞ்ச்' முன், நேற்று இந்த மனுக்கள் அனைத்தும் விசாரணைக்கு வந்தன. சீனியர் வக்கீல்கள் கிருஷ்ணமூர்த்தி, ராமானுஜன், சோமயாஜு, வக்கீல்கள் வைகை, பிரபாகரன், பால் கனகராஜ் உள்ளிட்டோர் ஆஜராகினர். அரசு தரப்பில் அட்வகேட் ஜெனரல் மாசிலாமணி, அரசு பிளீடர் ராஜா கலிபுல்லா ஆஜராகினர்.மனுக்கள் மீதான இடைக்கால உத்தரவை, "பெஞ்ச்' நேற்று மாலை பிறப்பித்தது.


உத்தரவில் கூறியிருப்பதாவது: குற்றம் சாட்டப்பட்ட சிலரை கைது செய்ய, ஐகோர்ட் வளாகத்துக்குள் யார் உத்தரவின்படி போலீசார் நுழைந்தனர். யார் உத்தரவின்படி தடியடி நடத்தப்பட்டது என்பதற்கு போலீஸ் கமிஷனர், அப்போதைய வடசென்னை இணை கமிஷனர் அறிக்கை தாக்கல் செய்ய வேண்டுமென கடந்த மாதம் 21ம் தேதி உத்தரவிட்டோம். போலீஸ் அதிகாரிகளின் பெயர், பதவி ஆகியவற்றை அறிக்கையில் குறிப்பிட வேண்டுமென உத்தரவிட்டிருந்தோம். அந்த அறிக்கையைப் பெற்ற பின், சம்பந்தப்பட்டவர்களுக்கு எதிராக கோர்ட் அவமதிப்பு வழக்கு எடுப்பது பற்றி முடிவு செய்யப்படும் எனவும் தெரிவித்திருந்தோம். ஓய்வு பெற்ற சுப்ரீம் கோர்ட் நீதிபதி தலைமையில் விசாரணை கமிட்டியை கடந்த மாதம் 26ம் தேதி சுப்ரீம் கோர்ட் நியமித்தது. அப்போது, தமிழக அரசு சார்பில், "ஐகோர்ட் அல்லது விசாரணை கமிஷனர் யாரை குறிப்பிட்டாலும், அதை நாங்கள் முழுமையாக நிறைவேற்றுவோம்' என தெரிவிக்கப் பட்டது. ஐகோர்ட் உத்தரவிட்டும், சுப்ரீம் கோர்ட்டில் உத்தரவாதம் அளித்தும், இதுவரை தமிழக அரசு எந்த மனுவையும் தாக்கல் செய்யவில்லை. போலீஸ் கமிஷனர் அளித்த அறிக்கையை பிற்பகலில் அட்வகேட் ஜெனரல் தாக்கல் செய்தார். இன்று தாக்கல் செய்த போலீஸ் கமிஷனரின் மனுவில் தான், சிலரது பெயர்கள் குறிப்பிடப்பட்டுள்ளன. ஆனால், அவர்கள் மீது உடனடியாக நடவடிக்கை எடுக்கப்பட்டதா என்பது பற்றி தெளிவாகக் குறிப்பிடவில்லை.


கடந்த மாதம் 26ம் தேதி சுப்ரீம் கோர்ட் உத்தரவு பிறப்பிக்கும் போது, "இது ஒரு துரதிர்ஷ்டவசமான சம்பவம். கலவரம் போன்ற சூழ்நிலைகளைக் கட்டுப்படுத்த ஆயுதப்படை போலீசார் விரும்பினால், தற்காலிக தலைமை நீதிபதியின் அனுமதியைப் பெற்றிருக்க வேண்டும். ஐகோர்ட் வளாகத்துக்குள் நுழைவதற்கு முன், அந்த சூழ்நிலை பற்றி தற்காலிக தலைமை நீதிபதிக்கு தெரிவித்திருக்க வேண்டும்' எனக் கூறியுள்ளது. இவ்வாறு சுப்ரீம் கோர்ட் கருத்து தெரிவித்தும், அதுபற்றி எதுவும் தெரிவிக்கப்படவில்லை. எனவே, சம்பந்தப்பட்ட போலீஸ் அதிகாரிகளுக்கு எதிராக ஒழுங்கு நடவடிக்கை எடுக்க ஆரம்ப முகாந்திரம் உள்ளது. கூடுதல் போலீஸ் கமிஷனர் விஸ்வநாதன், வடசென்னை முன்னாள் இணை கமிஷனர் ராமசுப்ரமணியை சஸ்பெண்ட் செய்ய வேண்டும். இவர்களின் நேரடி மேற்பார்வையில் தான் அந்த செயல்கள் நடந்தன. போராட்டத்தில் ஈடுபட வக்கீல்களுக்கு உரிமையில்லை. உடனடியாக போராட்டத்தை வாபஸ் பெற்று, பணிக்கு திரும்ப வேண்டும். இவ்வாறு "பெஞ்ச்' உத்தரவிட்டது.

நன்றி: தினமலர்

ஒரு சந்தேகம்: இன்று ஏதோ (லாயர்களின்) வெற்றிப் பேரணியாமே, இந்திய கிரிக்கெட் அணி நியூசிலாந்துல ஒரு நாள் தொடரைக் கைப்பற்றியதற்காக இருக்குமோ ? இவர்களின் நாட்டுப்பற்று போற்றுதலுக்குரியது !

531. ஒரு சில வக்கீல்களின் வன்முறைதான் காரணம் ஐ.ஏ.எஸ்.அதிகாரிகள் குற்றச்சாட்டு

ஐகோர்ட்டில் நடந்த சம்பவத்துக்கு
ஒரு சில வக்கீல்களின் வன்முறைதான் காரணம்
ஐ.ஏ.எஸ்.அதிகாரிகள் குற்றச்சாட்டு


சென்னை, மார்ச்.3-

சென்னை ஐகோர்ட்டு சம்பவம் ஒரு சில வக்கீல்களின் வன்முறையால்தான் உருவானது என்று ஐ.ஏ.எஸ்.அதிகாரிகள் குற்றம் சாட்டியுள்ளனர்.

தமிழ்நாடு ஐ.ஏ.எஸ். அதிகாரிகள் சங்கக் கூட்டம் சென்னையில் நேற்று நடந்தது. இதில் நிறைவேற்றப்பட்டுள்ள தீர்மானங்களின் விவரம் வருமாறு:-

அனைவரும் சமம்

சென்னை ஐகோர்ட்டில் நடந்த வன்முறை சம்பவத்தில் காவல்துறையினர் மீது ஊடகங்கள் தொடர்ந்து குற்றம் சுமத்தி வருவது எங்களுக்கு வேதனையளிக்கிறது. இந்த விஷயத்தில், நீதிக்கான அடிப்படை கோட்பாடுகளுக்கும், சட்டத்தின் முன்பு அனைவரும் சமம் என்ற நியதிக்கும் ஆபத்து வந்துள்ளது என்பதை மறுப்பதற்கில்லை.

ஒரு சில வக்கீல்களின் வன்முறையால்தான் ஐகோர்ட்டில் மோதல் சம்பவம் நடந்துள்ளது. ஒரு வழக்கு தொடர்பாக சம்பந்தப்பட்ட வக்கீல்களை போலீசார் சட்டப்படி கைது செய்ய வந்தபோது சில வக்கீல்கள் எதிர்த்தனர். மேலும் அவர்கள், போலீசார் தங்களது கடமையை செய்யவிடாமல் தடுத்தனர்.

தரக்குறைவான பேச்சு

கடந்த 19-ந் தேதி அன்று பிற்பகல் சென்னை ஐகோர்ட்டு வளாகத்தில் வக்கீல்களும், வக்கீல்கள் என்ற போர்வையில் சிலரும் சட்டவிரோதமாக கூடி போலீசாரை தரக்குறைவாக பேசியதுடன் அவர்கள் மீது செங்கல், கற்களை வீசி எறிந்து வன்முறையில் ஈடுபட்டுள்ளனர் என்பதற்கு போதுமான ஆதாரங்கள் உள்ளன.

வக்கீல்கள் சட்டவிரோதமாக கூடி இதுபோன்ற வன்முறையில் 2 மணி நேரத்திற்கும் மேலாக ஈடுபட்டுள்ளனர். போலீசார் கண் எதிரே வன்முறைக் கும்பல் ஐகோர்ட்டு வளாகத்தில் இருந்த போலீஸ் நிலையத்தை தீ வைத்துக் கொளுத்தியுள்ளது. இந்த கும்பலால் ஏராளமான போலீஸ் அதிகாரிகளும், போலீசாரும் படுகாயமடைந்தனர். பெண் போலீசார் மானபங்கம் செய்யப்பட்டார்கள். ஐகோர்ட்டு வளாகத்தில் உள்ள பொதுச்சொத்துகள் போலீசாரின் நடவடிக்கையால் சேதமடையவில்லை. மாறாக வக்கீல்களின் வன்முறை செயல்களால்தான் பொதுச்சொத்துகளுக்கு சேதம் ஏற்படுத்தப்பட்டன என்பதற்கு தேவையான போட்டோ மற்றும் வீடியோ ஆதாரங்கள் உள்ளன.

அத்துமீறலை ஆதரிக்கவில்லை

கோர்ட்டு வளாகத்திற்குள் போலீசார் செல்லக்கூடாது என்று அரசியலமைப்புச் சட்டத்தில் கூறப்படவில்லை. அதற்கு மாறாக, சட்டத்தை நிலை நிறுத்தவும், பொதுமக்களை பாதுகாக்கவும், பொதுசொத்துகள் சேதப்படுத்தப்படுவதை தடுக்கவும் தேவைப்பட்டால் கோர்ட்டு வளாகத்திற்கு போலீசார் செல்லலாம் என்று சட்டத்தில் கூறப்பட்டுள்ளது.

அதற்காக போலீசார் அத்துமீறியிருந்தால் அதனையும் நாங்கள் ஆதரிக்கவில்லை. இதில் போலீசாரின் நடவடிக்கையை மட்டுமே ஒருதலைப்பட்சமாக பெரிதுபடுத்தி பேசிக் கொண்டிருக்கிறார்கள்.

சுப்ரீம் கோர்ட்டை மதிக்கவில்லை

இந்த சம்பவம் தொடர்பாக ஒரு குறிப்பிட்ட வக்கீல்கள் மட்டும் சுதந்திரமாக பேசியும், பல்வேறு போராட்டங்களையும் நடத்தி வருகிறார்கள். பத்திரிகைகள், தொலைக்காட்சிகளுக்கு பேட்டி கொடுக்கிறார்கள். இதனால் ஒருதலைப்பட்சமான செய்திகள் மட்டும் ஊடகங்களில் வந்து கொண்டே இருக்கின்றன. ஆனால், போலீசார் இதுபோல சுதந்திரமாக போராட்டம் நடத்தி தங்களது தரப்பு நியாயங்களை எடுத்துக் கூறுவதற்கு நன்னடத்தை விதிகளில் இடமில்லை.

இந்த விஷயத்தில் சுப்ரீம் கோர்ட்டு உத்தரவுப்படி போலீஸ் அதிகாரிகள் உடனடியாக இடமாற்றம் செய்யப்பட்டு உள்ளனர். ஆனால், சுப்ரீம் கோர்ட்டு உத்தரவுப்படி வக்கீல்கள் இன்னமும் பணிக்குத் திரும்பவில்லை.

சட்டம், ஒழுங்கை நிலைநாட்ட

நாட்டில் சட்டம் ஒழுங்கை நிலை நாட்டுவதில் கோர்ட்டுகளைப் போலவே, ஐ.ஏ.எஸ். மற்றும் ஐ.பி.எஸ். அதிகாரிகளும் பணியாற்றுகிறார்கள். எனவே, ஐகோர்ட்டு சம்பவத்தில் இருதரப்பினருக்கும் நியாயம் கிடைக்க வேண்டும். வன்முறையில் ஈடுபட்ட வக்கீல்கள் தண்டிக்கப்பட வேண்டும். அதேநேரத்தில் சட்டம் ஒழுங்கை நிலைநாட்ட பாடுபட்ட போலீசார் காப்பாற்றப்பட வேண்டும். இந்த சம்பவத்தில், போலீசார் தங்கள் தரப்பு நியாயங்களை எடுத்துரைக்கும் வகையில் அவர்களுக்கு சிறந்த சட்ட உதவியும், போதுமான நிதியும் கிடைப்பதை தமிழக அரசு உறுதி செய்ய வேண்டும்.

மேற்கண்டவாறு தீர்மானங்கள் நிறைவேற்றப்பட்டு உள்ளன.

ஒப்புதல்

இந்த தீர்மான நகலில், ஐ.ஏ.எஸ்.அதிகாரிகள் பி.ராம்மோகன் ராவ், எஸ்.ராமசுந்தரம், டி.வி.சோமநாதன், டி.என்.ராமநாதன், பி.சிவசங்கரன், எஸ்.தங்கசுவாமி உள்பட ஏராளமானோர் கையெழுத்துப் போட்டுள்ளனர். மேலும், பி.அமுதா, ராகேஷ் காக்கர், கே.ராமலிங்கம், எம்.எஸ்.சண்முகம் உள்பட பல்வேறு ஐ.ஏ.எஸ்.அதிகாரிகள் சங்கத்தின் தீர்மானங்களுக்கு இ-மெயில் மூலம் ஒப்புதல் அளித்துள்ளனர். .

நன்றி: தினத்தந்தி

டெயில் பீஸ்: படிச்சவங்க படிச்சவங்க தான் என்று நிரூபித்து விட்டார்கள். தெளிவாக சிந்தித்துப் பேசி தீர்மானங்கள் நிறைவேற்றியுள்ளார்கள் !!!

530. வக்கீல்-போலீஸ் மோதலும், வரிப்பண விரயமும்

ஹைகோர்ட் வளாகத்தில் நடந்ததை அந்த ஆர்டரிலேயே கூறுகிறேன்.  சு.சுவாமிக்கு உதையும், முட்டையடியும் வழங்கப்பட்டதும், உயர்நீதி மன்ற நீதிபதிகள் அதற்குக் காரணமானவரை கைது செய்ய போலீசுக்கு உத்தரவிட்டதும்,  போலீஸ் வக்கீல்கள் சிலரை கைது செய்ய முயன்றபோது நடந்த கைகலப்பும்,  அதன் தொடர்ச்சியாக நடந்த பரஸ்பர கல்வீச்சும், காவல் நிலையத்தை வக்கீல்கள் எரித்ததும், வன்முறை வலுத்ததும், போலீஸ் தடியடி நடத்தியதும், சில  வாகனங்களும் நொறுங்கியதும் நாம் அறிந்தது தான்!!

மேலே நடந்ததற்கும் பொது மக்களுக்கும் யாதொரு சம்பந்தமும் இல்லை.  ஒரு தனிமனிதரைத் தாக்கியதிலிருந்து தொடங்கிய பிரச்சினை இது.  யார் மீது, எவ்வளவு சதவிகிதம் தவறு என்று ஆராய்வது இப்பதிவின் நோக்கமல்ல! 

சில பாயிண்டுகள் மட்டும்:

1.  கோர்ட் வளாகத்தில் நடந்த வன்முறையில் காயமடைந்த போலீசார், அரசு மருத்துவமனைகளிலும், வக்கீல்கள் அப்பல்லோ போன்ற தனியார் மருத்துவமனைகளிலும் சிகிச்சை பெற்று வருகின்றனர்.  இந்த நிலையில், வக்கீல்கள் போலீஸ் என்று யார் தனியார் மருத்துவமனைகளில் சிகிச்சை பெற்றாலும், செலவை அரசு ஏற்றுக் கொள்ளும் என்று  அரசு கூறியுள்ளதாக செய்தி வந்துள்ளது.  இதற்கு முன் நடந்த வன்முறைகளில், அப்பாவிப் பொதுமக்கள் அடிபட்டபோது, அவர்களின் தனியார் மருத்துவமனை சிகிச்சைச் செலவை அரசு ஏற்றுக் கொண்டுள்ளதா ?

2. வன்முறையன்று, உடைந்த/சேதமடைந்த வாகனங்களுக்கு அரசு இழப்பீடு வழங்கும் என்றும் தெரிகிறது!  இது தவிர, ஹைகோர்ட் வளாகச் சீரமைப்புப் பணியையும் அரசு தான் மேற்கொள்ள வேண்டும்!

3. சி.பி.ஐ விசாரணைக்கு உத்தரவிடப்பட்டு, கிட்டத்தட்ட 45(!) பேர் கொண்ட குழு இதில் ஈடுபட்டுள்ளது. விசாரணை முடிந்து ரிப்போர்ட் எப்பொழுது வரும் என்று தெரியவில்லை.  இந்தக் குழுவில் forensic ஆட்களும் இருக்கின்றனர்!  இதற்கு எவ்வளவு செலவாகும் என்று தெரியவில்லை.

4. சி.பி.ஐ விசாரணை போதாதென்று, ஓய்வு பெற்ற நீதிபதி ஸ்ரீகிருஷ்ணா தலைமையில் கமிஷனை, சுப்ரீம் கோர்ட் நியமித்து உள்ளது.  அவரும் சென்னை வந்து விசாரணையில் இறங்கியுள்ளார். அவர் உள்துறை செயலரிடமும், போலீஸ் கமிஷனரிடமும் விசாரனை நடத்தியுள்ளார்.

அரசு, நீதித்துறை சார்ந்த பலரின் நேர விரயம் ஒரு புறம் இருக்கட்டும்.  ஒரு அனாவசியப் பிரச்சினையால் விளைந்த வன்முறையின் தொடர்ச்சியாக, பொதுமக்களின் வரிப்பணம் இப்படி வீணடிக்கப்படுகிறதே என்பது என்னைப் போன்ற பொதுமக்களின் ஆதங்கம் :-(

இந்த விசயம் ஒரு சாம்பிள் தான்.  இது போல, பல உள்ளன.  இது போன்ற கொடுமையை சுட்டவே,   இந்த பாயிண்டுகளை எழுப்பினேன்!   2 வேளை ஒழுங்காக சாப்பிட முடியாத ஏழைகள் எவ்வளவு பேர் இருக்கிறார்கள் இந்த நாட்டில் ? 

எ.அ.பாலா